بحب إسمك يا اسكندرية
يا واخده عقلى وساكنة فيا
بعشق سماكى واعشق هواكى
واسهر معاكى م المغربية
***
يا عقد لولى ع البحر آيه
أيوه بحبك من غير نهاية
بحرى وبرى شمسى وسمايا
كلمة بحبك صبحت شوية
بحب إسمك يا اسكندرية
***
مين زى أهلك مين زى ناسك
عارفين مقامك حافظين أساسك
والبحر الابيض ضمِّك وباسِك
خلى نسيمك عطَّر عليا
بحب إسمك يا اسكندرية
***
باحلم بجنة ولقيتها فيكى
الدفء كله وانا بين إيديكى
وإن غبت عنك ارجع إليكى
فين أحلى منك حتشوف عينيا
بحب إسمك يا اسكندرية
***
عمرى ما اشوف وياكى هم
ولْ أى معنى إنتى الأعم
مش لحم إنتى ولا حتى دم
بس انتى أغلى حبيبة ليا
بحب إسمك يا اسكندرية
***
‏‏