صرخة عصفور بيحلم (خواطر)

الجمعة, 07 أبريل 2017 19:37

بقلم/ نورهان يسري
صرخة ألم محشورة جوا الحلق
وصوت مكتوم جوا صدر مهموم
مش عارف حتى ينطق ويقول آه يا خلق
نفسه يتكلم ويقول يا ناس أنا مغموم
نفسه يصرخ ويقول يا ناس أنا مظلوم...
والقلب زى العصفور عاوز يطير
بس العصفور بجناح مكسور
محبوس جوا حلمه ونفسه يعيش أساطير
وأخده الحلم وكتبه فى سطور وسطور
وف لحظة فاق من الحلم ولقى الجناح مكسور. 
تعليقات
لا يوجد تعليقات