غربة (شعر)

الثلاثاء, 03 أكتوبر 2017 15:43

بقلم/ نورهان يسري
 بيقولوا
الغربة كربه
والوحدة مره
لكن الغربة مش بس سفر
ولا الوحدة سهاد وسهر
عايش أنت بين البشر
شايف وشوشهم
عايش همومهم
بس أنت أكيد مش ف قلوبهم
غريب وحدانى وأنت معاهم
ما هي الدنيا وخداهم ولهياهم
ومهما تبعد أو تقرب مهياش فارقه معاهم
أظهر أنت أو حتى غيب
محدش حيدور عليك
وده العجيب
فوق بقى ومتستناش غريب أو قريب
ولا حتى سؤال من حبيب
ده صدق من قال
الغربة كربه
والوحدة مره
وعيش حياتك زي ما هي
حلوة كانت أو حتى مره 
تعليقات
لا يوجد تعليقات