الوشوش هى هى (شعر)

السبت, 11 نوفمبر 2017 15:17

بقلم/ نورهان يسري
الوشوش هى الوشوش
من غير زواق أو رتوش
بس القلوب إتبدلت
والمشاعر إتغيرت
بعد الشوق واللهفة
والعين إللى بتلمع من الفرحة
الشوق إتحول جمود
ده حتى الحب أصبح جحود
خلاص مفيش مشاعر
مبقاش القلب بالحب غامر
مفيش كلام مفيش حروف
الحب فجأة إتحول لخوف
ويقولوا هى الظروف
الكلام أصبح سكوت
الحب إتخنق .. بيموت
وكل واحد بقى ف ملكوت
بس الوشوش هى هى
وجنة الحب بقت بس دنيا
فيها المشاعر تايهة وحايره
فين الحنان؟
فين الأمان؟
فين اللهفة .. فين الجنان؟
لما تلاقى بريق الفرح بيك فالعين إنطفى
ولما تلاقى الشوق ليك إتحول جفا
لم جراحك واعرف إن كل شئ إنتهى. 
تعليقات
لا يوجد تعليقات