سقوط (شعر)

الجمعة, 11 مايو 2018 16:12

بقلم/ نورهان يسري
بعد ما قلبى فرد شراعه
وسفينته رسيت
على شط الحنية
ليه القسوة ديه؟
وبعد العهود والوعود
ليه الحيره والشرود؟
ليه العند والجحود؟
الكلام اتحول سكوت
اللقا اتحول هروب
حتى النجاح اتحول سقوط
أيوا سقوط ...
ما هو إيه الحب
غير سعادة
وهروب من الخوف
يبقى إيه معناه
لو ملاه الخوف
يبقى هو ده السقوط ...
ويرجع القلب من تانى
يفرد شراعه
تايهه فى بحر جراحه... 
تعليقات
لا يوجد تعليقات