إتفرج يا زمان...(شعر)

الخميس, 30 أغسطس 2018 15:47

بقلم/ نورهان يسري
إتفرج يا زمان
على أحوال الإنسان
إتغير وإتبدل ومبقاش إنسان
إللى فى قلبه حب وحنان
أصبح مثال للغدر والخزلان
وإللى كان جواه بيبان
بقى بير من الكتمان
وملهوش حتى أمان
وإتفرج يا زمان
على إللى كان
جواه ليك مكان
نسيك ورماك كمان
إتفرج يا زمان
على إللى كان بِك فرحان
بقى منك دايما قرفان
بص يا زمن وإتفرج كمان
على الجدعان
إللى مبقاش لهم فى الدنيا مكان
ولا نعرف لهم عنوان
ده الظالم فى الزمن
ده هو إللى بيبان
وأجدع الجدعان
وأنت يا جدع
بقيت فى طى النسيان
حتموت وتتقهر كمان
ما خلاص الإنسان
مبقاش إنسان
وإتفرج يا زمان... 
تعليقات
لا يوجد تعليقات