ماريا (شعر)

الخميس, 27 سبتمبر 2018 15:26

بقلم/ نورهان يسري
إسكندرية يا ماريا
وترابك زعفران
غنولك بين شطين ومايه
ونسيمك يود وريحان
أكلت فيكى فول وطعمية
وكمان بورى ومرجان
ده بحرك ميه ميه
وعلى شطك كنت بنام كمان
حجبوا بحرك عن عينيه
حسيت ساعتها بعدم أمان
شيبوكى يا ماريا
قبل الأوان بأوان
حبيبتى يا إسكندرية
لبسوكى توب خرسان
وبعد ما كنتى عروسة متحنية
واقفة تتحدى الزمان
بقيتى عجوزة محنية
طالها غدر إنسان
بس أنتِ برضو القوية
مهما مر الزمان
حبيبتى يا ماريا
يا أجمل ما شاف إنسان
بحبك يا إسكندرية
أكتر من أى مكان 
تعليقات
لا يوجد تعليقات