الرئيسية » إبداع

يا اما (شعر)

السبت, 13 أبريل 2019 17:14

بقلم/ نورهان يسري
يا اما قومى وأقفى
ده أنتى عمرك ما قولتى أى
ده أنتى يا اما السند والوتد
والضهر بيكى بيتشد ويتفرد
يا اما قومى وأقفى
ده أنتى فى عز ألمك عمرك ما دمعتى
يا اما ده أنتى الحضن والحنية
ده أنتى حضنك يساع الدنيا ديه
يا اما قومى وأقفى
ده أنتى دايما جنبى
ولا يوم تعبتى
ده أنا بيكى بقيت
وعمرى زيك ما لقيت
يا اما قومى وأقفى
ده أنتى عمرك م التعب ما اتهزمتى
يا اما يا ساكنه قلبى وكيانى
حبك بيجرى جوا شريانى
أنا من غيرك عمرى ما حكون
أنا بيكى دايما بكون
يا اما قومى وأقفى
ده حبى ليكى يملا الكون
قومى يا اما وشيدى حيلك
انا عمرى ما حعيش من غيرك
ده أنا يا اما عايشة ببركتك
قومى أبوس رجلك
يحميكى  يا اما ربى وربك.