قلبك كل اﻷوطان (شعر)

الأربعاء, 03 يونيو 2015 16:46

بقلم/ نورهان يسري
 حبيبتى يا نبع الحنان
عشت قبلك سنين بدور ع الأمان
تايه ف الدنيا وماليش عنوان
عايش وحدانى وما لقيتلى مكان
وقلبى تعب من كتر اﻷحزان
خلاص حبيبتى مش قادر على الكتمان
ولا حتى قادر على النسيان
دانا قبل حبك عشت سنين حرمان
حبيتك وقلبك بقى ليا كل اﻷوطان
وف بحر عيونك رسيت على شط اﻷمان
عايش فحضنك واحلو بيكى الزمان
ونسيت معاه كل اﻷحزان
دانا بيكى يا عمرى بقالى قيمه وكيان
وبقالى ف الدنيا بحبك أجمل مكان
ما هو حبك خلانى يا عمرى أعظم إنسان 
وقلبك بقى ليا هو العنوان

 
تعليقات
لا يوجد تعليقات