وجع وطن (شعر)

الجمعة, 11 مارس 2016 18:47

بقلم/ نجلاء خليل
اختار بطلك ياوطن
واكره السجان
طعم الحياه إنسان
والشر اصله جبان
والحلم نور حيبان
وحايفتحوا له بيبان
لحظة عبور
نعبر
لحظة ألم
نصبر
ونداوي بالسكر
طعم المرار حايدوب
صوتك بليد كده ليه
خايف
حاتعمل ايه
خايب
وحلك ايه
لحظة ميلاد مولود
رجاله زي اسود
ولا كلاب وقرود
اياك تبات مخنوق
بالعافيه او بالزوق
زق الحياه حبه
وعيش كمان حبه
وابعد عن اللاخابيط
اركز بلاش تنطيط
خليك غويط وحويط
وانجح وفوق ياعبيط
اصل الحكايه ياجدع
والمشكله التخطيط 

 

تعليقات
لا يوجد تعليقات